"Hindi na ba kita mapipigilan?" Inaayos niya ang mga gamit sa maleta nang pumasok si Andrei sa kwarto niya. Tinapos niya ang dalawang taong kontrata niya sa Hotel na pinapasukan at ngayon ay pauwi siya ng Pilipinas para dalawin ang Lola niya.
"Naitawag ko na kay Lola na ngayon ang uwi ko. Inaasahan din nila Tatay na uuwi ako." Isinara niya ang zipper ng maleta saka iginala ang tingin sa kabuuan ng silid.
"I'll miss you..." wika nito.
"I'll miss you too. Salamat sa pagpapatuloy niyo ni Ate Sophia sa akin."
Sa bahay ng kapatid nito sila tumuloy dahil malaki naman ang bahay nito sa Singapore at mahal ang renta ng mga apartment doon. Pero sa pagbabalik niya’y may iba na rin siyang tirahan dahil may isang Pinay din siyang nakatrabaho sa Hotel na siyang magiging kahati niya sa bago
