Walang ginawa si Hannah maghapon kung hindi ang umiyak ng umiyak. Kinabukasan ay umalis na siya ng condo at umuwi ng Ilocos. Sa biyahe ay tinawagan niya si Fate at nakipagkita dito. Kailangan niya ng mahihingahan dahil pagod na ang dibdib niya sa pag-iyak.
“Sa kabilang banda, naiintindihan ko si Ezekeil, Hannah,” wika ng kaibigan nang dalhin siya nito sa bahay nila at doon muna pinatuloy. Hindi niya kayang umuwi sa Lola niya nang mugto ang mga mata.
“He lied to me, at pinaniwala niya ako sa lahat ng kasinungalingan niya. May sakit si Haley, paano niya nagawa iyon?”
“Marahil ay wala naman siyang pagmamahal sa kapatid mo, kung totoo ang pagkaka-kwento mo sa akin. Pero tama ka, mali pa rin ang ginawa niya dahil kataksilan pa rin iyong maituturing.”
“Hindi ko alam kung ano ang dapa
