Hanggang sa sasakyan ay labag pa rin sa loob niya ang pagsama kay Ezekeil dahil wala siyang balak magtrabaho sa kumpanya ng pamilya nito. Pero kung bakit hindi niya nagawang tumutol sa pakiusap nito kanina’y hindi niya alam. Habang nagda-drive ito’y napansin niya ang singsing nitong suot, something like an engagement of wedding ring. Lalo siyang naguluhan sa sitwasyong pinasukan niya.
Kalahating oras lang ay nasa opisina na sila ng Albano Corp. Dinala siya nito sa opisina nito at sandaling kinausap ang sekretarya para sa ibang appointment nito bago siya nito dinala sa katabing opisina.
“This will be your office starting today. Ipapa-train kita kay Sharie habang nasa conference ako, may meeting din ako sa labas afterlunch but I will be back by five o’clock,” tuloy-tuloy nitong sabi.
