"Oh! Hi!" bati ng isang babae.
Nasa library ako ngayon kasama ang aking mga kaibigan. Napili naming kumain dito dahil hindi naman nila ipinagbabawal.
Ang bawal lang kasi rito ngayon sa library ay ang mag-ingay at ang magkalat. Kaya as much as possible, after naming kumain ay itatapon kaagad namin sa basuharan ang mga pinagkainan namin.
Nasanay rin akong magbasa ng mga nobela habang ako ay kumakain at madalas ay puro ito teen fiction.
Unti-unti naman akong nag-angat at saka tiningnan ang babaeng nasa aking gilid.
Hindi ko kasi sigurado kung sino ba ang kausap niya lalo pa at hindi naman kasi nagsasalita ang dalawa kong kaibigan.
Ngunit natigilan ako nang mapansin kung sino siya. Hindi ko rin alam kung bakit kumabog ang aking puso lalo na sa paraan ng kaniyang pagngiti.
Nakakairita.
