Pagkalipas ng tatlong araw ay nagpasya nang umuwi si Philip.
“Dad, sabi ko naman sa’yo dito ka na lang muna. Ayaw mo bang makasama ang mga apo mo?” Pilit niyang kinukumbinsi ang ama habang tinutulungan niyang ayusin ang mga damit nito sa maleta. “Kung ayaw mong tumira rito, hindi kita pipilitin pero bakit naman uuwi ka na agad? Hindi ka pa man lang nakakapaglibot dito sa Japan.”
Tumigil ito sa ginagawa at nilingon siya nang mahimigan nito ang pagtatampo sa boses niya. “Anak, alam mo naman na may trabaho ako..I mean, ‘yong negosyo natin na hindi ko pwedeng iwan nang matagal. Babalik na lang ako rito kapag pwede na akong manatili rito nang matagal-tagal, ok?”
Ngumuso siya at tinitigan ito. “Dad, ikaw ang may-ari ng negosyo at pwede ka naman magbakasyon hangga’t gusto mo at bumalik doon k
