“Ako na bahala rito. Sa loob ka na lang tumulong.” Hindi ‘yong suggestion kung hindi tunog utos iyon ni Countee. Alam ko naman na pati siya ay iniiwasang magsama kami lagi sa iisang lugar kung hindi naman kinakailangan.
Kanina pa tapos ang feeding program at naglilipit na lang kami ngayon ng mga lamesa at pinagkainan. Ang mga bata ngayo’y kaniya-kaniyang kalasan, halos lahat ay nagpunta sa maliit na palaruan na matatagpuan sa bandang likod ng San Consolacion. Tamang-tama lang ang panahon dahil hindi maaraw, pero hindi rin naman uulan. Sakto lang ang mga ulap para maging lilim ng mga batang nagsasaya sa ibabaw ng damuhan.
Pumasok na ako sa loob ng gusali at nagtungo sa hall na sinasabi ni Countee kung saan gaganapin ang birthday party ng isang bata sa San Consolacion Organization. Pagkara
