Chapter 49
Sobia’s PoV
“Look at me, Sobia. Think of this. Saan kinukuha ni Drei ang supply ng drugs na ginagamit niya sa'yo? He's a very dangerous man, Sobia. You should get rid of him.”
Natulala na lang ako at lumipad ang isip sa kawalan. Pilit kong binabalik sa wisyo ang buo kong pagkatao dahil masyado akong binagabag ng mga sinabi ni Chad.
Ang mahigpit niyang kapit sa balikat ko ang nagpabalik sa akin sa ulirat.
“I tried, Chad. Alam mong ginawa ko ang lahat. Hindi ko kaya si Drei—”
“Bakit kasi!”
Natigilan ako nang bigla na lang tumaas ang boses ni Chad at kitang kita ko sa mga mata niya ang galit. Nanggigigil pa ang kapit niya sa akin, nasasaktan ang balikat ko sa mga daliri niyang madiin na bumabaon sa aking balat. Ang mga mata niya ay nanlilisik. Bakit siya galit na galit?
