Isinuot ko ang aking jacket at humarap sa salamin. Tiningnan ko ang maputla kong sarili. Huminga ako ng malalim at may lumabas na usok sa aking bibig dahil sa lamig. Nasa loob na ako ng bahay pero pumapasok pa rin ang lamig mula sa labas. Napakalamig ng gabing ito.
Kinuha ko ang aking cellphone na nakalapag sa sidetable. Kasalukuyan itong umiilaw dahil sa mensahe na natanggap ko. Binuksan ko ito at binasa ang laman ng mensahe.
From: 09*********
D&M Warehouse. Greenwood St. 12 AM. I'm expecting you there.
Napailing na lang ako. Nang matanggap ko ang mensahe niya kanina sa eskwelahan ay handa na akong puntahan siya dahil sa nalaman kong siya si Logan pero biglang nagbago ang isip niya. Magpapadala na lang daw siya ng mensahe kung saan nakalagay ang address na pagkikitaan naming dalawa. S
