" 'Yung totoo, Ivo? Sinong galing sa ospital sa inyong dalawa? Si Tito o ikaw?" tanong sa akin ni Casper habang nakaupo sa aking tabi.
Tiningnan ko lang siya at pinagpatuloy na lang ang aking pagkain. Kalalabas lang ni Papa sa ospital kahapon kaya naman dumalaw sila rito sa bahay. Ang dami nilang dalang pagkain. Sa sobrang dami ay baka mapanis kaya naman sinisimulan ko nang kainin. Napagdesisyunan naming dito muna kami sa bahay hanggat hindi pa kami nakakapaghanap ng pwede naming mapagtuluyan.
"Hoy ,Ivo! Kay Tito 'yang pagkain na 'yan! Hindi sa 'yo!" saway naman sa akin ni Grey sabay batok sa akin. Muntik na tuloy akong mapasubsob sa lamesa. "Oops! Sarreh," sabi pa nito habang nakatakip ang kanyang kamay sa kanyang bibig.
Sinamaan ko siya ng tingin at binigyan ng dirty finger. "F*ck yo
