Dumagundong ang malakas na musika sa buong bahay ni Vanessa. Napangisi na lang ako habang pinapanood sina Grey at Julius na inaayos ang lamesa. Si Casper naman ay inilalapag ang ilang bote ng alak dito. Si Morris, Drake at Neil ay inaasikaso ang pulutan. Si Papa ay nakaupo lang sa couch at hinahayaan lang kami. Wala kasi ngayon si Vanessa rito sa bahay. May date raw sila ni Sir. France. Kaya naisipan kong habang wala siya, magpakasaya na lang kami rito. Simula nang mangyari ang panloloob ng kung sino rito sa bahay niya ay naisipan kong dito na lang tumira para maprotektahan ko sila ni Papa.
"Nasabi ba ni Vanessa kung anong oras siya makakauwi?" tanong ni Casper.
Nakaupo na kaming lahat sa couch at nakahanda na ang lahat para sa inumang magaganap.
"Hindi, eh. Pero siguradong mamayang ga
