NATIGILAN si Liezel nang makita kung sino ang nasa labas ng gate ng bahay nila ng umagang iyon. Nang marinig niya ang pag-doorbell kanina ay sandaling iniwan ang paggawa ng breakfast na sandwich para alamin kung sino ang bisita. Hindi niya inaasahan na si Kyle iyon.
Lumakad si Liezel patungo sa gate at pinagbuksan ang lalaki. Ano na naman ba ang kailangan nito sa kanya ngayon? Sumulyap siya sa isang bouquet ng pink roses na hawak ni Kyle. “Para saan ‘yan?” malamig na tanong niya.
Tila nahihiya pang ngumiti ang lalaki bago iniabot sa kanya ang mga bulaklak. “It’s a token of apology,” mahinang wika ni Kyle. “I’m so sorry, Zel. S-Sa ginawa ko kagabi.”
Dahil mukha namang seryoso sa paghingi ng tawad ang lalaki kaya tinanggap na ni Liezel ang bulaklak. “Sana lang ay hindi na iyon maulit, Kyl
