HINDI na alam ni Liezel kung gaano katagal na siyang nakatitig lamang sa ring box na hawak. Binuksan niya iyon at nakita ang silver ring na nasa loob – ang singsing na ibinigay sa kanya ni Kyle noon. Marahan niyang hinaplos ang singsing at nag-unahan na naman sa pagpatak ang mga luha. Naiinis siya sa sarili dahil sa walang tigil na pagluha simula pa noong iwanan siya ng lalaki at ngayong bumalik ito.
Ilang araw na mula nang huli silang mag-usap ni Kyle sa park na iyon malapit sa university na pinasukan nila. Simula noon ay hindi na rin nagpakita sa kanya ang lalaki, hindi na ito nagpupunta dito sa bahay, sa coffee shop o kahit sa trabaho man lang niya. Ayaw mang aminin ni Liezel pero nangungulila na siya sa lalaki, lalo na ngayon na inamin niya na sa sariling mahal pa rin ito.
Napatingin
