PAGKAPASOK ni Liezel sa loob ng airport ay agad niyang iginala ang paningin sa buong paligid. Kaninang-kanina pa siya umiiyak sa sasakyan habang patuloy na umaasa na sana ay bumagal na lamang ang oras. Tiningnan niya ang suot na wristwatch at nakitang sampung minuto na lamang bago mag-alas-otso ng gabi. Kung hindi sana sobra ang traffic ay mas maaga sana siyang nakarating dito.
Marami pa ring tao sa loob ng airport kahit sa oras na iyon. Mabilis nang kumilos si Liezel at hinanap kung saan naroroon ang flight pa-Chicago. Dahil sa sobrang pagmamadali ay ilang tao doon ang nabangga niya at ilang beses na ring humingi ng pasensiya. She was desperate and she knew that.
Napatigil si Liezel nang may mabanggang babae, nalaglag sa sahig ang lahat ng dala nito. Narinig pa niya ang galit na pagmumu
