Tila naglalabas ng apoy ang mga mata niya sa galit. Umigting ang panga niya at huminga ng malalim na para bang pinakakalma ang sarili.
“Pinagsamantalahan ni Lufer si Antonette sa harap ko habang hawak ako ng mga tauhan niya. Pagkatapos ay sumunod naman ang mga tauhan niya at pinagpasapasahan nila ang kaawa-awa kong kapatid. Wala kaming kalaban-laban sa kaniya. H-Hindi na sila naawa, binaboy nila ang kapatid ko. Sa halip na liwanag ay karahasan ang natamo niya mula sa d*monyong ’yon,” puno ng galit at pagkasuklam na kuwento niya.
Napasinghap ako. Labis akong nasaktan at nalungkot para sa sinapit ni Netnet. Sobrang paghihirap at takot ang dinananas ko noon kay Lufer, paano pa kaya si Netnet na binab*y ng maraming kalalakihan?
“Napakawalang hiya nila. Masunog sana ang kaluluwa nila sa i
