Pabalyang isinara ng asawa niya ang pinto kaya napapikit na lamang siya. Napahawak siya sa kaniyang ulo at sumasakit na naman iyon. Sobrang nai-stress na siya sa buhay niya. Hindi niya na alam kung paano pagagaanin ang lahat.
Kinabukasan ay maaga na siyang nag-prepare dahil klase niya. Pagbaba niya ay sobrang tahimik ng paligid. Hindi niya rin naman alam kung saan pumunta si Rogue at wala na siyang pakialam doon.
Papunta siya sa kusina para mag-almusal nang makita si Paula na nagluluto. Nakasuot pa ito ng apron. Kaagad na nakaramdam siya ng inis dito.
“Erm Mia, sana huwag kang magalit. Pinakialaman ko na ang kusina niyo. Nakapagluto na ako ng agahan, kain ka na,” saad nito sa kaniya.
Nilapitan niya lamang ito at nginitian.
“Gaano ba kakapal ang mukha mo para pakialaman ang parte ng ba
