"Vaughn..."
Parang napapasong napaatras ako mula kay Vaughn nang marinig ang boses ng isang babae.
Sabay-sabay kaming napalingon sa pinanggalingan ng boses nito. Isang sopistikadang babae ang nakita kong papalapit sa'min.
Hindi nakaligtas sa paningin ko ang pagbati ng ilang mga katulong na nadadaanan nito.
Maraming katanungan ang namumuo sa isipan ko habang palihim itong pinasadahan ng tingin. Kumunot ang noo ko nang mapansin ang kakaibang kapinuhan sa kilos nito. Kahit sa simpleng paglalakad ay elegante at aral ang kilos nito. Lumaki naman akong may etiquette lessons pero ibang level yata ang napag-enroll-an nito.
"Am I interrupting something?" Sa paraan nang pagkakangiti nito ay hindi agad mapapansin ang kalamigan ng tingin nito na hindi nakaligtas sa pansin ko.
May training din
