Nilunod ko ang sarili sa lahat ng sakit nararamdaman sa loob ng dalawang linggong pagpapahinga.
Wala akong ibang ginawa kundi tahimik na lumuha sa gabi at pagluksaan ang pusong wasak.
Nang sumapit ang umaga ay excited akong lumabas ng aking silid. Ito ang unang araw na magtatrabaho ako kay Third at hindi ko gustong malate.
Pasipol-sipol na naglakad ako papunta sa kusina at halos malaglag ang aking panga nang makita ang pamilyar na pigura ng lalaki doon sa hapag-kainan.
"Kumain ka na, anak." Saad ni Mama saka isinenyas ang bakanteng upuan sa tabi ng lalaking naroon.
Panay ang pagkaway sa akin ni Third nang lingunin nya ako. Puno ang bibig nya at mukhang sarap na sarap sa pagkaing inihain sa harapan nya.
“An gaga-aga mo rito para lang makikain? Wala ka bang makain sa bahay nyo? N
