PARANG BINIBIYAK ang ulo ni Maki. Baka nga hindi parang at talagang may head injury na siya. Nang puwersahan siyang ipasok sa van na hiwalay kay Allen, nataranta siya at nalimutan magpigil. Nanlaban siya dahil hindi niya maatim na hindi na naman niya matutupad ang pangako niyang poprotektahan ito. Naramdaman na lang niya may matigas na bagay na pinukpok sa ulo niya at dumilim ang paningin niya.
Pinilit niyang dumilat. Madilim sa lugar kung nasaan siya. Mukhang hindi na rin iyon loob ng van kasi flat ang sahig na kinahihigaan niya. Bigla parang nilamutak ang sikmura niya. Panic choked him as flashes of memory run through his mind. Mga alaala na minsan na niya nakita nine years ago, noong nasuong din siya sa mapanganib na sitwasyon na katulad ngayon. Sa kanyang alaala tumatakbo siya kasi m
