Sumikip ang dibdib ni Allen. Nataranta siya. Kasi nararamdaman niya ang sarili na unti-unting bumibigay. Kaunting kaunti na lang tatango na siya at bibigyan na uli ito ng karapatang mapalapit sa kaniya. If she forgives him, she will give him another opportunity to make promises he will never keep. Kapag hinayaan niya ito uli maging bahagi ng buhay niya, kalaunan masasaktan na naman siya nito. Ayaw na niya masaktan uli. Ayaw na niya magpakita ng kahinaan at umiyak. Kaya lumunok siya, kinalma ang sarili at humakbang palayo sa binata. “Umuwi ka na, Maki,” malamig na sabi niya.
Kumurap ito at halatang nagulat. Hindi na niya ito hinayaang makapagsalita pa kasi baka makumbinsi siya nito. Tumalikod siya at mabilis na naglakad palayo.
AKALA NI Allen iyon na ang huling beses na makikita niya
