**
PAGBALIK nila Angel ng school, mag-aalauna na kaya dumiretso na sila sa silid. Kumain naman sila sa karinderya bago sila umuwi kaya busog na sila.
“Gel, bakit pati ako binilhan mo ng laptop?” tanong nito sa kanya nang makaupo sila sa sahig.
“In case kailanganin mo, meron ka na niyan,” sagot niya.
“Nakakahiya kasi pero salamat, ah. Hindi ko alam kung paano kita mababayaran,” sabi nito.
“Hindi ako naniningil, Shaira. Just don't you dare backstab me,” wika niya.
“Never, Gel. Gustong-gusto kitang maging kaibigan kaya hindi ko ’yon sasayangin,” sabi nito. Tumango na lang siya at binuksan na ang laptop.
“Bubuksan mo na ba ’yan?” tanong nito.
“Yes, susubukan kong alamin ang nangyayari sa akin,” sagot niya at nag-focus sa laptop. Hindi na umimik si Shaira at pinagmasdan na lang ang gin
