Nakahiga si Mikaela sa kanyang higaan at nagpapahinga. Wala siyang balak na lumabas dahil wala rin naman siyang gagawin sa labas. Busy naman ang mga magulang niya kaya palagi siyang nakapirmi na lang. Tulog naman si Jaimee sa sarili nitong kama. Medyo nalulungkot siya dahil sa paghihiwalay nila ni Jaxon pero tinatanggap na niya ang nangyari. Hindi lang niya maiwasan na mamiss ito lalo na at dati magkasama sila kapag ganitong araw.
Iidlip sana siya nang biglang tumunog ang cellphone niya. Bumangon siya at tiningnan kung sino ang tumatawag. Nakita niyang si Jun ito, ang private investigator nila. Agad niyang sinagot iyon.
“Yes? Any update?” tanong niya.
“Nasa akin na po ang ipinapagawa ninyo. Kailan ko po ibibigay sa inyo?” tanong nito. Napatingin siya sa orasan at nakitang alas otso pa l
