CREAM ANN POV
NASA labas siya ng hospital room ni Twix, mula sa labas kitang-kita niya si Twix na nakahiga pa rin sa kama habang nasa gilid nito nakaupo ang babaeng tinulungan nito. Kanina nag uusap ang mga ito, ngayon nagbabalat at naghihiwa na ng mansanas ang babae para ibigay kay Twix.
Gusto niyang lawakan ang pagiging maunawain niya pero parang sinusubukan siya ngayon ng Diyos. Hindi na niya mapigilan mapataas ang kilay. Kahit alam na niya ang kwento ng babae, oo, nakakaawa ito subalit mas umaangat na ang pagkainis niya para sa babae.
Napabuntong hininga siya. Naramdaman niyang may tumabi sa kaniya, nu'n una akala niya ang Ate Coffee niya, subalit ang Nanay pala iyon ni Twix. Hinawakan nito ang balikat niya.
"Don't worry, ang sabi ng doktor temporarily lang ang memory loss niya, af
