GUMUHIT ang matamis na ngiti sa mga labi ni Maddie nang matagpuan ang sarili sa isang partikular na silid. Iyon ang unang beses niyang makatapak doon at hindi rin pamilyar sa kaniya ang lugar, ngunit sa isip ay alam niyang sa kaniya ang kuwartong iyon kaya panatag na panatag ang loob niya habang naroon.
Pagbaling ng katawan niya sa gawin kanan ay nakita niya ang isang mag-inang masayang nagkukuwentuhan habang sinusuklayan ng ginang ang mahabang buhok ng maganda nitong anak. Isang bahagi ng utak ni Maddie ang nakakilala sa mag-ina bilang ang mommy niya at ang ten-year-old self niya, ngunit nang mga sandaling iyon ay para bang ibang tao ang turing niya sa mga ito.
“Anak, magbihis ka nang maganda, ha?” wika ng ina sa bata, habang nakatingin sa repleksyon ng huli sa kaharap na salamin. “May
