“GRABE, ano? Nasa iisang industry lang tayo at under the same TV network pa, pero once in a blue moon lang tayo kung magkita.”
Isang matunog na tawa ang isinagot ni Maddie sa isinaad na iyon ni May—ang host ng katatapos lang umereng talk show. Maituturing na malapit din niyang kaibigan ang babae lalo na noong teenage years nila, dahil ito ang madalas niyang ka-tandem noon sa mga palabas na karamihan ay umiikot ang plot sa high school life o kaya naman ay silang dalawa ang mga dalagitang anak ng bida. Iyon nga lang, nang tumuntong na sila sa twenties ay unti-unti na ring nagkahiwalay ang kanilang mga landas; pinili na rin kasi ni May na madalang na lang lumabas sa mga serye at pelikula, upang makapaglaan ng mas maraming oras para sa maagang nabuong pamilya.
Halos dalawang taon na rin mula
