GUSTONG iuntog ni Lara ang ulo sa pader. Bakit ba niya inutusan ang boyfriend na pumasok sa silid niya? Sa ginawa ay parang siya na rin ang nagtulak para mabunyag ang isang lihim na iniiwasan niyang malaman nito.
“I’m asking you, Lara! Bakit mayroon ka ng mga stolen photo at video namin ni Maddie na magkasama? Pinamamatyagan mo ba ako?”
Napapitlag siya nang muling magsalita si Adrian, bagama’t nananatili namang mababa ang boses nito. Ang tingin niya kasi rito nang mga sandaling iyon ay tulad sa isang bulkang nagbabadyang sumabog anumang oras, at kahit anong pagpapakalma niya sa sarili ay hindi mawala ang kaniyang kaba sa tuwing nagkakaganoon ito. Naniniwala kasi siyang masamang magalit ang mga taong tatahi-tahimik at mahaba ang pasensiya na gaya nito.
But despite all the scruples that s
