Dalawang linggo na lang at magaganap ang launching. Abala ang buong opisina. Halos wala namang pahinga si Luca at minsan nadadatnan ko siya sa opisina tuwing umaga, mukhang hindi na umuwi sa kanila upang magpahinga.
Nilapag ko ang kape sa kanyang desk. Sapo niya ang kanyang noo habang tinitingnan ang Monitor ng Computer niya. Gusto ko sanang magsalita at ipahiwatig na narito na ang kape niya pero baka madistorbo ko ang kanyang iniisip kaya wag na lang muna.
Aalis na sana ako nang bigla niya akong tinawag. Napalingon ako sa kanya at ngumiti. Bakas sa mukha niya ang walang tulog at pahinga. Namamaga ang ibabang bahagi ng kanyang mata habang magulo ang ayos ng kanyang buhok.
"Pupunta tayo mamaya ng Fashion store, mamimili tayo ng damit mo sa launching." Aniya.
"Salamat Luca, pero hindi
