RYKER DAMIEN LEE POV
Pagdating ko sa tapat ng bahay nila, agad akong lumabas dala ang bag ni Syrelle at ang uniform na sinuot niya kanina. Mahigpit kong hawak ang susi ng bahay na kinuha ko mula sa bag niya. Napansin kong madilim ang loob walang kahit anong bakas ng tao. Mukhang hindi umuwi ang kaibigan niyang si Carla.
Iniwan ko muna si Syrelle sa kotse; mas mabuti nang masiguro kong ligtas ang loob ng bahay bago ko siya ipasok. Nang mabuksan ko ang pinto, agad kong inilapag sa sofa ang bag niya at mga gamit, saka lumabas muli para balikan siya.
Dahan-dahan ko siyang binuhat palabas ng sasakyan, maingat na iniiwasang magising siya. Tahimik kong tinahak ang hagdan patungo sa ikalawang palapag. Sa taas, may tatlong kwarto. Ang nasa gitna ay halatang master bedroom, ang isa ay may nakapa
