PAGKALABAS niya ng mansiyon ay nakita niya agad si Jeremy sa loob ng sasakyan nito na may kausap na naman sa cell phone nito. Kailan kaya mawawalan ng kausap sa telepono ang lalaking ito? Lumapit siya sa sasakyan at pumasok doon. Tinapos naman agad nito ang pakikipag-usap nang makita siya.
Itinutok niya na lamang ang paningin sa tanawin sa labas ng bintana nang magsimula ng tumakbo ang sasakyan nila para lamang maiiwas niya ang paningin dito. Nagtaka pa siya nang mapansing iba ang daang tinatahak nila. “Saan tayo pupunta?” hindi niya natiis na itanong dito.
“I thought you want to see the horses?” ganting-tanong nito.
Bigla siyang napabaling dito. “Talaga?” pinilit niyang itago ang pagkasabik sa tono pero hindi siya nagtagumpay.
Nakita niya ang pag-ngiti nito pero nakatutok pa rin ang t
