“KAILANGANG bilisan ko ang lakad bago pa tuluyang lumakas ang buhos ng ulan. Umaayon sa akin ang panahon. Kanina lamang ay tila apoy na nakakapaso sa balat ang init ng araw ngunit ngayon ay umuulan naman. Maisasagawa ni Roberto ang anumang nais niyang gawin. Maitatakas niya si Irenea nang walang makakapansin dahil walang tao sa paligid. Tiyak na nakasilong sa kani kanilang tahanan ang mga taga ibaba. Paghusayin mo ang pagkuha kay Irenea, Roberto. Kailangang sa pagbabalik ko ay wala na ang babaeng yon!", wika ni Ising habang tanaw ang lalaking inabutan niyang muli ng ilang pirasong perang papel. Inabangan siya ng lalaki upang humingi ng perang magagamit sa pag arkila ng sasakyang gagamitin nito sa pagtakas kay Irenea. Kaya naman kahit malaking kabawasan sa kanya ang hinihingi nito ay agad s
