“Aba, ikaw ’tong baliw sa akin. Hindi ba at pinadukot mo pa nga ako at pinagbantaan lahat ng manliligaw ko?” Pambabara naman ng ginang sa kaniya.
Nakangiti siyang sumenyas sa akin na aalis na daw sila habang nag-aasaran silang mag-asawa.
“Do you know them?” tanong ni Lesandro habang sinusundan ng tingin ang papalayong mag-asawa.
“Hindi, napadaan lang sila.”
“Nabili na natin lahat, pumila na tayo, ” aniya habang pinapasadahan ng tingin ang listahan.
“Teka lang, may nakalimutan pala ako.” Iniwanan ko siya saglit at bumalik kung saan naka-display ang mga palaman. Kumuha ako ng isang bote ng peanut butter at nagmamadaling bumalik kay Lesandro.
“Hindi ’yan masarap.” Tukoy ni Lesandro sa peanut butter na hawak ko. Tila siya diring-diri habang nakatingin sa bote.
“Ang sarap kaya. Hin
