Mabagal na naglalakad sina Ashley at Rim sa gilid ng park. Matapos nilang kumain ay pumunta sila rito para magpababa ng kinain at lumanghap na rin ng presko at malamig na hangin.
Patingin-tingin si Ashley sa paligid. Napakaganda ng gabi at hindi rin ganoon karami ang tao kaya relax silang mamasyal.
Tiningnan naman ni Rim si Divina/Ashley. Naka-poker face lang siya.
“Ang dami kong kinain. Feeling ko tuloy ay bloated ako.” Mahinang natawa pa si Ashley sabay himas sa kanyang tiyan.
Nananatiling walang imik si Rim.
“Ang tahimik mo naman,” ani Ashley kay Rim saka niya ito tiningnan. Nakita niyang nakatingin ito sa kanya. “Dahil ba sa pinag-usapan natin kanina?” tanong pa nito.
Iniwas ni Rim ang tingin niya kay Divina/Ashley. Nakatingin lang siya sa harapan at hindi umimik.
Ngumiti naman
