Kinagabihan…
“Sigurado ka ba na diyan ka matutulog? Okay lang sa’yo?” magkasunod na tanong ni Ashley kay Oslo habang nakaupo ito sa gilid ng malaking kama.
Tumango-tango si Oslo na kakatapos lang ilagay ang gagamitin niyang unan at kumot sa mahabang sofa.
“Yeah,” sagot ni Oslo na nakatayo sa gilid ng sofa.
Umismid si Ashley. “Pwede ka naman kasi dito sa kama. Ang laki nitong kama kaya pwede kang tumabi sa’kin.” aniya. “Siguradong lalagpas sa arm rest ang mga binti at paa mo kapag diyan ka nahiga,” saad pa niya. “Tangkad mo pa naman,” sabi pa niya.
Kahit papaano ay nakakaramdam si Ashley ng awa kay Oslo lalo na at ipagsisiksikan nito ang sarili sa sofa.
“I’m okay. Isa pa, wala tayo sa mansyon kaya hindi natin kailangan na magpanggap hanggang sa pagtulog,” ani Oslo. Huminga siya ng mal
