Nakakunot ang noo ni Ashley habang patingin-tingin kay Oslo na kasabay niyang maglakad. Tinitingnan din kasi siya nito.
“Bakit patingin-tingin ka sa’kin?” nagtatakang tanong ni Ashley kay Oslo. Naglalakad sila sa white sand. Maya-maya ay napangiti siya ng nakakaloko. “Nagagandahan ka sa’kin, ‘no?” pagbibiro niya pa.
Tumingin ulit si Oslo sa harapan. “Curious kasi ako,” sagot niya. Hindi niya pinansin ang pagbibiro ni Ashley.
“Curious?” patanong na sabi ni Ashley.
“Ang tagal niyo kasi sa banyo. Iniisip ko nga na baka nagbugbugan na kayong dalawa sa loob pero mukhang hindi naman,” ani Oslo saka tiningnan ulit si Ashley. “Hindi naman magulo ang buhok mo at wala kang kalmot at pasa sa mukha,” aniya pa.
Mahinang natawa si Ashley. “Kahit gustong-gusto ko na siyang bugbugin kanina, pinigila
