“Ma’am Divina?”
Sumilay ang maliit na ngiti sa labi ni Ashley habang nakatalikod siya mula sa pwesto nina Rim. Katabi naman niya at nakatayo rin si Oslo.
Nilingon ni Ashley si Rim. Umakto siyang nagulat nang makita ito. Tinakpan niya pa ng kanyang kamay ang bibig niya saka hinarap ang kinaroroonan ng mga ito. Ginagalingan niya ulit ang pag-arte.
“Oh, what a coincidence.” Mahinang tumawa si Ashley. “Nandito rin pala kayo,” aniya pa.
Hindi makapaniwala si Rim na makikita niya sa kanilang bakasyon si Divina/Ashley. Tiningnan niya pa si Oslo na walang emosyon ang mukha. Tipid niya itong ningitian saka tinanguan bilang paggalang. Wala naman itong naging tugon sa ginawa niya.
Nakatingin naman si Sasha kay Ashley. Hindi siya makapaniwala na makikita niya ito at sa bakasyon pa mismo nilang ma
