Papunta ng kusina si Ashley para uminom ng tubig nang mapahinto siya sa paglalakad. Nilingon niya si Oslo na tinawag ang pangalan niya. Nakita niya ito sa huling baitang pababa ng hagdanan.
Kumunot ang noo ni Ashley. “Bakit?” nagtatakang tanong niya kay Oslo.
“May sasabihin ako. Sumunod ka sa’kin,” utos ni Oslo. Katulad ng mukha niya ay wala ring emosyon ang tono nito.
Namuo naman ang pagtataka kay Ashley habang sinusundan ng tingin si Oslo na umaakyat na ng hagdanan.
“Ano’ng sasabihin niya?” nagtatakang tanong ni Ashley sa hangin. Naging palaisipan iyon sa kanya.
Kumibit-balikat na lang si Ashley at imbes na pumunta ng kusina ay sinundan niya si Oslo.
---
“Alam mo na may mga tao akong inuutusan na lihim na kumukuha ng impormasyon tungkol sa kaso ng pagkasunog ng bahay ninyo ni Rim
