HINDI ALAM ni Donabela kung paano kakausapin si Redford. Pinuntahan niya ito kinabukasan sa mansion pero tulog pa ito. Bumalik siya ng tanghali pero nasa opisina raw. Dumiretso siya sa opisina nito pero mahigpit nitong ipinagbilin sa sekretarya na h'wag itong istorbohin.
“What happened ba?” tanong ni Ariela.
Pareho sila nitong nakaupo sa hood ng kotse at pinagmamasdan ang ilaw ng mga gusali sa buong siyudad. Lumalalim na ang gabi pero hindi pa rin sila umuuwi. Hindi rin alam ni Donabella kung dapat pa ba siyang umuwi gayong ramdam niyang galit sa kaniya ang matalik niyang kaibigan na si Tatiana.
Bumuntong-hininga si Donabella. “I just want to be considerate to my ex's feelings. Tinakbuhan ko siya sa araw ng kasal namin kaya hindi ko magawang umoo kay Red dahil nakokonsensiya ako.”
“Aw
