NAKAHALUKIPKIP si Donabella habang pinanunuod ang pag-iinterrogate ni Detective Morris kay Chief Gonzales. Mariing itinatanggi ng opisyal ang paratang ni Donabella kahit may ebidensiya naman na inipresinta ang dalaga.
“Tigas ng mukha ni sir, huling-huli na nga lumulusot pa.” iritadong komento ni Drake na nasa tabi ni Donabella.
Bumuntong-hininga lang ang dalaga saka lumabas. Pagkatapos ng nangyari kanina sa courtroom, pilit siyang pinababalik ni Redford sa mansion pero ayaw niya. Hanggang ngayon kasi ay hindi pa nahahanap si Mr. Cruz, nagtago ito kaagad, marahil ay nalaman na may alam na si Donabella. Isa pa ay iniisip niya si Timothy, mas masasaktan ang binata kapag nakipagrelasyon kaagad siya pagkatapos niya itong takbuhan. Nirerespeto niya ang binata dahil kahit papaano ay minahal niy
