Dahan-dahan na siyang humakbang palapit sa akin. Nanatili lang ako doong nakaanga at matamang nakatingin sa kanya. Hindi gumagalaw na parang itinulos lang sa aking kinatatayuan. Hinihintay na tuluyan siyang makalapit sa akin dahil baka namamalikmata lang ako sa kanyang presensya o kaya naman ay guni-guni ko ang lahat ng ito. Habang papalapit siya ay hindi ko mapigilang pansinin ang kanyang nakakapanibagong hitsura. Bagong tabas ang kanyang buhok na noon ay malago na, at halatang maaliwalas ang kanyang mukha. Alam kong may nagbago sa kanya at hindi ko lang iyon ma-pinpoint kung ano talaga. Sa kanyang hitsura ay hindi mahahalatang nagkaroon siya ng malalang problema noon sa aming pagitan ni Shiara, o baka naman magaling lang siyang magtago kung kaya naman hindi iyon mapapansin ngayon sa kany
