“Hoy, Sanna nasaan ka? Nag-resign ka na pala? Bakit hindi ka man lang nagpaalam sa amin? At saan naman ang plano mong pumunta ha? Sabihin mo sa akin at papasyalan ka namin.” kaagad na palatak ni Dahlia sa kabilang linya pagkasagot na pagkasagot ko pa lang ng tawag niya. Agad na sumilay ang ngiti sa aking labi, nai-imagine na ang hitsura niya ngayon. “Ganyanan na tayo ha? Walang paalaman?”
Kinabukasan nang pumasok sila at hindi ako naabutan doon o nakita ay paniguradong alam na nilang umalis ako o kung hindi. Marahil ay nagtungo rin ito sa principal office, nagtanong na doon kung bakit kaya ako absent ngayon.
“Kaibigan mo kami Sanna, sana man lang ay nagpaalam ka sa aming dalawa ni Mary na aalis ka. Anong nangyari sa pagkikita niyo ni Nicko ha? Care to share? Paniguradong hindi naging ma
