Sa bilis ng pagpapatakbo ni Jayvee sa kotse ay agad niyang narating ang lugar na itineks sa kanya ni Chelsea. Isa itong abandonadong gusali na medyo may kalayuan sa silibisasyon.
Madilim ang lugar dahil sa nakapalibot na mga malalaking kahoy at mayayabong na mga halaman. Tanging liwanag lang ng buwan ang nagbibigay kasinagan sa buong kapaligiran.
Maingat na pinatay ni Jayvee ang makina at bumaba ng sasakyan. Mula sa kanyang kinatatayuan ay tanaw niya ang isang van na nakaparada sa entrance ng gusali. Sinabi sa kanya ni Chelsea sa mensahe na pumasok agad siya ng sa loob nito pagkarating na pagkarating niya rito.
Tulad ng ibinilin nito ay hindi niya tinawagan si Xander at ang mga pulis. Tanging sarili lamang niya ang kanyang bitbit.
Alam niyang masama at tusong tao si Chelsea at kayang-
