BINALIKAN ni Carly sa mag-ama na dala-dala ang cellphone. Pag-upo niya sa tabi ni River na nasa kandungan si Channel, iniabot niya rito ang gadget.
"May tumatawag sa 'yo."
Kumunot ang noo nito nang makita ang nakarehistrong pangalan. Tumitig ito roon ng ilang sandali bago sinagot. Tipid na oo at hindi lang ang mga sagot ni River sa kausap kaya hindi maintindihan ni Carly kung ano bang pinag-uusapan ng mga ito.
Nang ibaba ni River ang tawag— binalingan niya ang binata.
"May communication pa pala kayo?"
Hindi naman big deal ‘yon sa kaniya, lalo nalaman na niya ang kasinungalingan ni Llana. Nagtaka lang siya dahil walang nababanggit tungkol roon si River o dahil hindi rin siya nagtatanong?
Iyon ang hirap sa kaniya mula noon hanggang ngayon. Madalas niyang iwasan ang magtanong na alam
