Naglakad si Carly kaagapay ang nobyong si Sean sa pataas na driveway. “What are you doing here? Kanina ka pa ba?”
“Kadarating ko lang rin. I went to your office, pero si Farah na lang ang naabutan ko roon. May business meeting ka raw. Sinong ka-meeting mo?” Sunod-sunod na tanong nito.
Ayaw niyang magsinungaling kay Sean. Pero ano namang sasabihin niya? Nag-dinner date nga pala kami ng tatay ng anak ko na hindi niya alam na may anak kami? At hinalikan ko pa siya sa pisngi?
Nang maalala ang halik, inusig naman si Carly ng konsensya.
“Client.” Sagot niyang pumasok sa loob ng mansyon. Wala siyang nakitang tao sa salas. Past 8PM na rin kasi kaya marahil na taas sa silid na ang anak at magulang.
“Sinong client?” Tanong ni Sean na nakasunod sa kaniya papuntang kitchen.
“Bagong clien
