Chapter Thirty Three
You broke me
PAKIRAMDAM ko kung magpapatuloy ang asong sumusunod sa akin baka mamuti na ang mata ko sa kakapaikot ko nito.
Huwag kang papaapekto wala kang nakikita!
Napadaan ako sa paborito kong bilihan ng pastries and coffee at nang makita kong hindi pa naman gaano late sa pinag-usapan naming oras ni Sammie ay pumasok ako roon para magkape at manginain muna.
Pero malalim akong napabuntonghininga nang marinig din ang pagbukas-sara ng pinto wala pang dalawang hakbang ang nagagawa ko patungo sa counter.
Hindi na ako nakatiis at inis ang tingin na nilingon ko siya.
“Sinusundan mo ba ako?” taas-kilay kong tanong sa kanya.
Umiling siya. “No. Nataon lang na parehas tayo nang pinupuntahan.”
“Ah talaga? Nataon lang din na pumasok ka kanina sa jewelry shop? Sa perfu
