[ETHAN]
“DAD, SAAN ka na naman pupunta?” baling na tanong ko kay Dad nang mapansin ko ang pagbaba niya ng hagdan galing sa second floor. Nakaporma siya ng americana kahit pa may bendang nakabalot sa kaniyang noo.
Kung kaninang umaga ay nakaalis si Dad ng bahay dahil na-late ako ng gising at hindi ko namalayan ang kaniyang pag-alis, ngayon ay hindi ko siya papayagang maka-alis.
Kagagaling pa lamang niya sa isang aksidente pero hindi siya nagpapahinga. Kadi-discharge pa lamang niya sa Hospital pero nagbabalak na naman si Dad umalis ng bahay.
Kasalukuyan akong nakaupo sa sofa, sa sala habang nagbabasa ng mga librong may kaugnayan sa pag-aaral na nakaligtaan ko no’ng nag-absent ako na’ng isang linggo. Dito ko rin naisipang mag-aral para kung sakaling magbalak si Dad na umalis ay mababan
