ALAM ni Joaquin na may mali sa pagitan nina Penelope at Phylbert, ngunit hanggang maaari ay ayaw niyang makialam. Ayaw niyang isipin ng isa sa mga ito na may kinakampihan siya. Nang komprontahin niya ang kapatid kanina tungkol sa hindi nito pagtulong kay Penelope sa mga bully ay halos maging hysterical si Phylbert. Anuman ang nangyayari, alam niyang maaayos din nina Penelope at Phylbert ang lahat. Natural naman sa magkaibigan na magkatampuhan paminsan-minsan. Lalo lang niyong mapapatibay ang friendship ng dalawa.
Nagtungo si Jace sa bahay nila nang hapong iyon. Ang sabi nito ay gusto siyang kausapin ngunit nagpumilit si Phylbert na ang mga ito ang mag-usap. Siguro ay kailangan ng kapatid niya ng lambing mula sa nobyo nito. Pagkatapos mag-usap ay umalis si Jace nang hindi nagpapaalam sa ka
