PAGKATAPOS ng finals ay lumapit kay Penelope si Phylbert. Sinabihan siya ng kaibigan na sumunod dito at mag-uusap silang dalawa.
Napapalunok na tumalima si Penelope. Hindi niya gusto ang nababasang poot sa anyo ni Phylbert ngunit kinonsola niya ang sarili sa kaalamang handa na itong makipag-usap. Pakikinggan niya ang lahat ng sasabihin ng kaibigan kahit na nahihinuha niyang pulos masasakit na salita ang ibabato nito. Kapag nailabas na nito ang galit ay siya naman ang magsasalita. Siya naman ang pakikinggan ni Phylbert.
Sa likuran ng graduate school building sila humantong.
“Kakausapin ka ni Kuya mamaya. Wala kang sasabihing anuman tungkol sa lintik na nararamdaman mo tungkol sa boyfriend ko. Sasabihin ni Kuya sa `yo ang tungkol sa job offer niya sa States. He’s hesitating because of yo
