“KUMUSTA ang naging date n’yo ni Kuya kahapon?”
Nagulat si Penelope sa bigla na lang paglitaw ni Phylbert sa likuran niya. Hindi niya naramdaman ang paglapit ng kaibigan. “Nakakagulat ka naman, Phylbie.”
Naupo ito sa tabi niya. “Sorry, excited lang. Ayaw magkuwento ni Kuya kahit na kulitin ko nang kulitin, eh.”
Binuklat ni Penelope ang dalang libro. Unang subject nila nang araw na iyon at wala pa ang kanilang propesor.
Inagaw ni Phylbert ang libro mula sa kanya. “Oh, come on! Hindi kita titigilan hangga’t hindi ka nagkukuwento. Did you kiss?”
“Ano ka ba? Kiss agad? Wala naman akong gaanong ikukuwento sa `yo. Wala namang gaanong nangyari. Nanood kami ng sine, `tapos kumain sa labas. Nag-ikot-ikot din sa mall, the usual.”
Lumabi si Phylbert. “Ang boring naman. Parang hindi ganyan dumis
