MAAGANG gumising si Penelope upang matulungan niya ang ina sa paghahanda ng almusal. Maaga talaga siyang aalis ng bahay ngayong araw. Dadaan siya sa bukid dahil umpisa ng panggapas ng mga ipinatanim niyang palay sa lupang namana ng kanyang ama mula sa kanyang lolo. Magtutungo rin doon ang kanyang ama ngunit nais niyang makita mismo ng mga mata ang ganda ng uri ng binhi na pinasubok sa kanya ng isang supplier.
“Good morning.”
Muntik nang mabitiwan ni Penelope ang isang bandehado ng sinangag nang marinig ang pamilyar na tinig ni Joaquin. Kaagad na bumilis ang t***k ng kanyang puso hindi pa man ito nasisilayan ng kanyang mga mata. Hindi muna niya ito nilingon, kinalma muna niya ang sarili.
Kaagad namang nginitian ng kanyang ina si Joaquin. Nakakamangha ang walang pagbabagong pakikitungo
