Napailing si Lawrence at napaupo dahil kahit naman laging hindi magkasundo, batid niya na kagaya niya, naiipit lamang si Rowan sa mapang-abusong kamay ng ama nito. Kung tataliwas ito ay manganganib ang buhay ng ina nito kagaya ng nangyari sa kaniyang ina.
“Bakit nandito si Zian?” buntong-hininga ni Lawrence.
Muling napasampa ang paa ni Rowan sa mesa sa inis, “Yong bwisit na yon. Kakainit ng ulo!!! Kinukuntsaba ko sana yon para matulungan akong itrigger ang alaala ni Cara dahil nga alam kong nakukuha na ni Chris ang interes ng mga ganid nating mga magulang, kaso ang hinayupak, tatraydurin lang pala ako. AHHH!”
“Pero ang lahat ng alam niya, galing sayo,”
“Malamang,”
“Pati ang pag—”
“Ah wala akong sinabing ganon, malamang,” biglang iwas ng tingin ni Rowan, pati boses nito ay nag-iba. “M
