LALONG NAGING masigasig si Sarhento Wenceslao sa pag- iimbestiga. Pabalik-balik ito sa Purok Singko; sa eskinita kung saan nakuhanan ng litrato ang dalawang babae. Sinadya pa nito ang babaeng naka-mini sa club na pinapasukan upang alamin kung kakilala ang nakabungguan. Bagaman walang nakuhang matinong impormasyon, hindi ito nawalan ng loob. Tila hindi napapagod at mistulang naging obsesyong kilalanin ang tunay na katauhan sa likod ng magandang mukha ng suspek sa litrato.
Sa presinto. Habang kinakanaw ang kape sa mainit na tubig ay panay rin ang sulyap ni Kabo Duarte sa Sarhentong ilang metro lang ang layo sa kanya. Nakaupo ito paharap sa mesa at siya naman'y nasa gawing tagiliran kung saan nakalagay ang electronic airpot, mugs, kutsarita, kape, asukal at creamer.
Hindi naman siya napapan
